Upat ka naghantak sikop

Davao City – Sikop sa Bunawan PNP ang upat ka mga tawo sa dihang naaktuhan kini nga nagsugal sa dulang hantak.

Malampuson nga nadakpan sila Jake Bustamante, 30 anyos, Edelberto Danlag Jr., 25 anyos, Ian Eleoraba, 32 anyos ug Elezar Emanel, 40 anyos.

Sumala pa nga nakadawat og report gikan sa ilang intelligence unit ang kapulisan sa Bunawan nga dunay mga naghantak partikularminte sa Km. 20 Brgy. Buhisan Tibungco ning syudad sa Davao ug dali kining giadtuan sa kapulisan hinungdan sa pagkasikop.


Nakumpiska sa kapulisan ang bato nga antogan, toss coin, pulbos ug ang bet money nga nagkantidad og 140 ka pesos.

Gikustodiya na karon sa Bunawan PNP ang upat ka mga dinakpan.

RadyoMaN Paul Canono

Facebook Comments