Mga kasama unom na lamang katulog, ipahigayon na ang usa ka dakong seleb-rasyon sa JESUS REIGNS sa entero Pilipinas. Sa Rehiyon 12, ang probinsya sa Sarangani ang aktibong ga-organisa sa JESUS REGNS, kung asa karong tuiga mao na ang ika-pitong tuig sa kasaulugan sa Nobyembre 30, atol sa Bonifacio Day.
Kahinumdoman nga naandan na nga kini ginahimo sa capitol ground matag tuig, apan tungod sa nasinatian nga covid pandemic, pinasahe ang selebrasyon karong tuiga pinaage sa VIRTUAL PRAISE and WORSHIP sa tibuok nasud PILIPINAS. Ug sa pinaka-unang higayon madunggan kini sa DXMD-RMN GENSAN.
Nasayran nga ang RMN GENSAN ang maoy na piliisip partner sa JESUS REIGNS. Tungod niini dili na kinahanglang mogawas pa sa ilahang panimalay ang matag pamilya, aron PASIDUNGGAN ug SAULOGON ang KA-MAAYO NI GINOONG HESUKRISTO. Sa RMN Gensan madunggan ON-AIR sugod alas 2:00 sa hapon hangtud Alas 6- sa gabii ang selebrasyon sa Nobyembre 30.
Kalabot sa maong balita mga kasama, gawas sa ON-AIR nga madunggan sa DXMD RMN GENSAN ang JESUS REIGNS CELEBRATION karong Nobyembre 30, makit-an usab kini sa FACEBOOK UG YOU TUBE. I-type lamang ang JESUS REIGNS PHILIPPINES. Samtang sa RMN GENSAN FACEBOOK PAGE, live usab nga makit-an..
Ang nasinatiang pandemya dili babag aron dili mapatigayon ang naandan nga selebrasyon. Sulod sa matag panimalay masaksihan ug masundan na kini pinaage sa RMN RADYO GENSAN, You tube ug sa Facebook. Sumala ni Maam Michelle Lopez Solon, abri ang selebrasyon sa tanang relihiyon.
Sumala niya nga dako kining tabang sa mga katawhan, hilabina sa mga nangi-nahanglan ug giya, tungod sa nasinatiang pagsuway sa kalibutan. Samtang si Sarangani Governor Steve Chiongbian Solon namahayag nga lahi ang pagpadagan sa panggobyerno kung naka-sentro ang Ginoo. Sa adlaw sa selebrasyon dungan nga maniudto ang pamilya nga gitawag ug āVICTORY FEASTā Mamahimo usab i-display ang flag/banner sa JESUS REIGNS sa panimalay o gambalay timaan sapagsuporta.
