Davao City – Patay ang usa ka babaye nga si Bernadeth Anga Alfedo, 43 anyos, residente sa may Prk. 10 Tugbok ning siyudad human sa nahitabong karambola sa mga sakyanan ug naatratsan kini sa usa ka fuso truck dha sa may dalang By-Pass Road sa Ulas ug Catalunan Pequeño.
Base sa report, bandang alas-10:50 Pebrero 25 sa buntag usa ka Fuso flat ebed truck nga dunay plaka numero ACN 9068 nga gimaneho ni Danilo Mendez Ignacio, 31 anyos.
Ang maong truck puno kini sa kargang puthaw padulong sa may Catalunan Pequeño ning siyudad.
Sa dihang nawad-an kini sa preno sa kurbadang bahin sa maong dalan ug gilampornas niini ang upat ka sakyanan.
Nahulog ang biktima sa gisakyan niining single motorcycle nga Yamaha Mio.
Tungod kay subida ug kurbada ang maong dalan ug sa kabug-at sa maong kargang bakal midaos-os kini ug mipunterya kini sa biktima ug naatrasan kini hinungdan sa hinanaling kamatayon.
Mipadayon sa gihapon sa pag daos-os ang truck ug nahulog kini sa pangpang nga gibana-banaang dunay gilawomon nga 10 ka metros ug nabalintuwad ang truck hinungdan sab sa pagka-angol sa drayber ug pahenante niini nga dali usab gitabang sa Medic Team sa Central 911.
Ang patay’ng lawas sa biktima gidiretso na sa Villa Funeral Parlor sa Toril ning siyudad.
RadyoMaN Paul Canono
