Upat nga gituuhang aga-suporta sa ISIS, dakpan sa operasyon sa kapulisan

10

Polomolok, South Cotabato– Arestado ang upat sa katao atol sa gipahigayong operasyon sa hiniusang pwersa sa RMFB 12, Polomolok ug Tupi Municipal Police Station sa Prk. 7. Brgy. Sumbakil, Polomlok South Cotabato.

Sumala Kang Police Superintendent Aldrin Gonzales, tigpamaba sa Police Regional Office 12 nga magserve unta ug warrant of arrest ang kapulisan batok sa magsuong Arapat ug Mohamad Bulacon nga naunang nakasibat sa operasyon sa Tupi.

Giila niini ang mga dinakpan nga silang Mohamed Lompong, Dats Kalangke, Monib Sagadan, ug Adin Dala nga samang mga residente sa Prk. 7. Brgy. Sumbakil.

Dugang pamahayag ni Supt Gonzales nga ang mga dinakpan ang mga kaubanan nilang bulacon nga malampuson gihapong nakasibat atol sa maong operasyon.

Narekober gikan sa posisyon sa mga suspek ang managlahing cellphone, duha ka fragmentation grenade, calibre 22 magnun, managlahing buhing bala ug tulo ka mga camouflage niform.

Sa karon, anaa na sa kustudiya sa Polomolok PNP ang mga suspek ug gikatakdang pasakaan ug tukmang kaso.

Facebook Comments