Roxas City, Capiz- Isa ka meeting ang ginpatigayon sang search committee angut sa Upod Kita sa pag-Excell Barangay Search for CURES ukon (Covid-19 Unified Response and Effective Strategies) para sa natalana nga pagpatigayon sang onsite validation sa napulo ka mga kabarangayan nga finalist sa amo nga kompetisyon.
Una nga igapaidalom sa validation ang Barangay Barra kag Barangay X sa maabot nga Disyembre 7; Barangay Lawaan kag Barangay Cabugao sa Disyembre 8; Barangay Talon kag Punta Tabuc sa maabot nga Disyembre 9; Barangay Bago kag Barangay Milibili sa maabot nga Disyembre 10 samtang ang mga Barangay sang Culajao kag Barangay 1 ang natalana nga igapaidalom sa onsite-validation sa maabot nga Disyembre 11.
Ang amu nga hinun-anon ang gintambungan sang mga representante halin sa nagkatuhay nga mga departamento kag talatapan sa city hall.
📷 DILG Roxas City
