Godod, ZDN-Mokabat sa 7mil ang nahimong danyos sa nahitabong sunog kagahapon sa may 3:00AM kapin kun kulang didto sa may sa Godod Game Club/Cockpit nga anaa nahitmutang sa Sitio Lusaran, Brgy. Pob. Godod, ZDN.
Human nga nadawat sa kapulisan ang taho nga adunay sunog dali nga miresponde ang kapulisan sa lugar nahitaboan.
Dali usab kini nga napalong ang kalayo ug anaa lang sa ¼ sa dakbalay ang gilamoy sa kalayo.
Sa pag imbistiga sa kapulisan ug Bureau of Fire Protection nasayran nga aksidente lamang ang pagkasunog tungod sa upos nga gilabay sa uga nga sagbot duol sa maong cockpit arena.
Samtang sa laing bahin ang Dipolog City Police Station nakadawat ug Plaque Of Recognition gikan sa the Brigadier General Rafael T. Crame Balangay Awards.
Giila ang Dipolog City PS isip finalist sa Search for Brigadier General Rafael T. Crame Balangay Awards ug nakuha niini ang pag-ila isip Most Outstanding City Police Station Category.
Didto kini gihatag ang maong pasidungog sa NHQ PNP, sa kampo Crame, Quezon city kagahapong adlawa Pebrero 11, 2019.
