Daw kasubong nga wala pa gid maka-move on si Presidente Rodrigo Duterte sa kaakig sini kay anay Mayor Jed Patrick Mabilog.
Sa iya pagbasa liwat sang Narco-list subong nga gab-i (Marso 14) sa meeting sang National Peace and Order Council sa Davao City kon sa diin ginlawag sini si anay Mayor Jed Patrick Mabilog, ginpahayag sini nga luyag niya mahibaluan kon nga-a nakaguwa sa pungsod ang anay Alkalde.
Ginpahayag ni Duterte nga matapos sang paglawag niya sang Narcolist sang 2016, iya ginhatagan sang lista ang US embassy agud indi makaguwa sa pungsod ang mga yara sa listahan.
Apang natingala ang Presidente nga nakaguwa si Mabilog kag karon indi na mahibauan kon sa diin nagapanago.
Luyag mahibaluan sang Presidente kon paano nakalusot ang anay Alkalde apesar yara ini sa listahan sang Narco-Politicians kabangdanan iya paga-usisaon ang US embassy natuhoy diri.
