Usa ang patay sa Cebu tungod ni Basyang

47

Nitala ang Provincial Disaster Risk Reduction and Management Office (PDRRMO) ug usa ka casualty tungod ni bagyong Basyang sa Sugbu.
Si Jules Regner sa PDRRMO nibutyag nga usa ka 57 anyos nga lalaki nga nag-inusara sa iyang pagpuyo ang namatay human natumbahi ug punoan sa lubi ang iyang payag taliwa sa pag-igo ni Basyang sa Southern Cebu kagabii.
Nada pa sa ospital ang biktima nga si Genas Allones nga taga Sitio Sangi Barangay Madridejos lungsod sa Alegria apan kini namatay .
Samtang gibutyag usab ni Regner nga moabot sa 1,711 ka mga residente ang nakabakwit gikan sa ilang mga pinuy-anan sukad kagahapon tungod sa nasinati nga mga pagbaha epekto sa bagyong Basyang .

Facebook Comments