Gunit na karon sa Womens and Protection Desk (WCPD) sa Police Station 3 ug sa City Social Welfare and Development (CSWD) ang kaso sa pagpanglugos sa usa ka 13 anyos nga biktima diin ang gitudlong suspek mao ang 16 anyos nga lalaki.
Saysay sa guardian sa biktima sa eksklusibong interview sa RMN DXBC Butuan nga nakaila sa biktima ang suspek sulod sa visinidad sa Bancasi Airport isip nagtrabaho kini sa usa ka restaurant.
Gikatahong hubog ang biktima hinungdan nga nakahigayon ang suspek sa pagdala niini sa kwarto sa ikaduhang andana sa establismento ug didto nahitabo ang pagpanamastamas.
Natingala ang guardian sa biktima nga nagkadugo ang sampot ug atubangan niini maong aduna na silay pagduda nga adunay nahitabong dautan niini.
Gikasab-an nila ang biktima ug mitug-an sa iyang gidangatan nga gilugos sa 16 anyos nga suspek.
Sa karon nagtingkagol na sa karsel sa Police Station 3 ang suspek ug miangkon kini sa iyang nahimung krimen.
Sent from my Samsung Galaxy smartphone.
