Usa ka buntis ug usa ka College student, sikop sa buy-bust operation

Koronadal City – Nasikop ang duha ka drug suspek sa gihimong buy-bust operation sa operatiba sa koronadal City PNP, ala 1:20 sa hapon, niadtong Nobyembre 21,2018.

Giila ang dinakpan nga sila Alma Salazar Oro alyas Alma, 37 anyos, walay trabaho, lumulopyo sa Purok Alegrea, Barangay Morales, Koronadal City ug si Francis Dave Austria, 24 anyos, single, college student, lumulupyo sa Barangay New Lambanao, Tantangan South Cotabato.

Gipahigayon ang operasyon sa usa ka boarding house sa City Police Drug Enforcement Unit nga gipangunahan ni SPO1 Erwin Dolliente kung asa narekober sa posisyon sa mga suspek ang 8 ka medium packs ug usa ka small pack sa ginatuohan nga shabu ug managlahing mga drug paraphernalia.


Sa kinatibuk-an mukabat sa 2.2 ka gramo nga ginatuohan nga shabu ang nakuha gikan sa posisyon sa mga suspect nga naay market value nga P18,000. (Niña Elyza Opeña)

Facebook Comments