Usa ka dumptruck nga basura nakolekta

Davao City ā€“ Nakapuno og usa ka dumptruck nga basura atol sa ikaduhang adlaw sukad nga gidawat ni Davao City-based American Marine Biologist ug Dā€™ Bone Collector Museum Director Darrell Blatchley ang hagit sa usa ka netizen nga limpyuhan ang kanal sa may Brgy. 37-D, Trading Boulevard nga gi-post niini sa social media niadtong Miyerkules.

Kagahapong adlawa, Abril 13, nitabang na usab sa pagpanghinlo ang mga taga-Davao City Canal Division kang Blatchley.

Gibasol ni Blatchley ang mga opisyales sa barangay tungod kay wala man lang kini aksyoni nga problema.


ā€œKung hugaw ang kanal sa barangay dapat ang barangay pagalimpyuhan ni. Wala nila gituman ang balaod sa syudad,ā€ matud niini.

Segun ni Blatchley nga anaa sa 20 metros sa kanal ang nahinluan atol sa maong ā€˜clean-up drive challengeā€™.

Samtang, nagbahad si Paul Bermeho ang OIC sa Ancillary Services Unit sa katawhan nga ubos sa ordinansa sa syudad mamahimong mapriso og usa ka bulan ug adunay multa nga P1,000 ang mga magpatakaā€™g labay sa ilahang mga basura.

Matud ni Bermeho nga manubag usab kadtong mga opisyales sa barangay.

ā€œManubag gyod na sila kay sila man gyod ang frontliners nga mu-implement sa RA 9003 ug kining City Ordinance 0361 series of 2010,ā€ matud niini.

Gitigom sa adlaw’ng Biyernes sa Davao City Recreational Center ang kapin 300 ka mga Bantay Dagat Volunteers ug 33 ka mga kapitan sa mga riverbanks ug coastal barangays aron subling ipahimangno kanila ang balaod sa syudad.

RadyoMaN Aimee Guinita

Facebook Comments