Usa ka establishemento gitulis, 200 mil nga kwarta natangag sa mga suspek

General Santos City–Naghimo na ug makuting imbistigasyon ang Police Station 2 kalabutan sa nahitabong pagpanulis sa tulo ngadto na sa upat ka mga suspetsado ngadto sa buhatan sa UnionGalvasteel nga nahimutang sa National Highway, sakop sa Barangay Labangal, Gensan kagahapon sa hapon.

Matud ni Police Major Ananiaz Vasquez, Hepe sa Police Station 2, base sa ilang gihimong imbistigasyon tulo ngadto na sa upat ka mga suspek matud pa ang misulod sa maong tindahan ug nanulis.

Gikuha sa mga suspek ang kwarta kantidad ug kapin kon kulang sa 200 mil ka pesos, cellphones sa mga empleyado apil na ang service fire arms sa gwardya. Nasayran nga ang nahitabuan sa pagpanulis anaa lang sa 300 metros ang gilay-on gikan sa Check point sa PNP sa may national Highway.


Samtang gibutyag sa gwardya sa maong establishemento nga wala gyud siya magdahum nga mga tulisan ang maong mga tawo.

Sumala pa nga nagpakarong-ingnong costumer ang mga nasampit apan nakuran nalang kini dihang siya gisikaran, gidis-armahan dayon gipahapa sa mga tulisan.

Ayha pa siya gidis-armahan, niaksyon pa sya ug bunlot sa iyang pusil apan siya gibaharan sa suspek nga pusilon mao nga wala nalang kini mipalag. Didto na gikuha sa mga suspek ang iyang pusil.

Human nga nakuha sa mga suspek ang ilang tumong, paspas man silang misibat padulong sa dereksyon sa Barangay Apopong.

Facebook Comments