Blanko pa ang mga otoridad sa motibong pagpakamatay sa usa ka pasahero sa barko samtang naglawig kini paingon sa dakbayan sa surigao kagahapong adlawa bandang alas 11:55 sa buntag human.
Miambak kini dihang dapita sa brgy Punta Bilar sa maong syudad.
Giila ang biktima nga si Leonidis Baclaan 46 anyos,residente sa Parada street, 93 upper Valenzuela City.
Nasayran nga una nang niambak kining biktima mga bandang alas 8:35 sa buntag didto sa Pantalan sa San Ricardo sa Southern Leyte apan naluwas ra kini sa ginsakpan sa Coastguard hinungdan gikuyogan kini ni SN2 John Mark Bernabe paingon sa surigao sakay sa barkong Maria Feliza sa Montenigro Shipping Lines apan paghidangat sa maong lugar wala damha nga niambak pagbalik ang biktima ug didto nahunusan na kini sa iyang kinabuhi human nga nalumos.
Sa pagkakaron padayon pang giimbistigahan ang maong panghitabo samtang ang patayng lawas sa biktima anaa gihaya sa nilo funeral homes.
photo CTTO [image: port lipata.jpg]
