Usa ka miembro sa grupong New Peoples Army, patay sa engkwentro tali sa militar didto sa Bukidnon.

63

Patay sa engkwentro tali sa militar niadtong Sabado sa buntag didto sa Cabanglasan, Bukidnon, ang usa ka sakop sa New People’s Army nga maoy responsable sa pagsunog, sa duha ka heavy equipment sa Valencia City sa maong probinsya.


Giila sa iyang mga kanhi kauban sa kalihokan ang napatay nga NPA nga si alias “Daligas”, kinsa maoy squad leader sa Guerilla Front Malayag nga maoy responsable sa pagsunog sa dump truck ug pay loader sa quarry site sa Barangay Sinabuagan, Valencia City niadtong June 19, 2020.

Matud ni Lt. Col. Franklin Fabic, ang Commanding Officer sa 88th Infantry Battalion Phil. Army nga nahitabo ang engkwentro samtang nagpahigayon ang iyang tropa sa security patrol sa maong dapit, human nila madawat ang report nga mokabat sa kinse ka mga armadong tawo ang nabantayan sa usa ka hilit nga dapit sa Barangay Mandahikan.

Tungod niini, nahitabo ang binayloay sa bala nga milungtad sa dies minutos apan dali usab nga misibat ang maong grupo, biniyaan ang namatay nilang kauban.

Samtang…..

Narekober usab sa mga militar sa maong dapit ang usa ka M16 Rifle ug bandoleer nga adunay upat ka magazine, ug nadiskobre duol sa encounter site ang gi-abandonang hideout sa mga NPA nga masudlan sa 30 ka tawo.

Gawas niini, nakuha usab sa tropa ang walo ka cellphone; mga medical supplies ug personal nga gamit sa mga rebelde.




Hinuon, wala gika-report nga samaran o napatay sa hanay sa mga militar.

Facebook Comments