Usa ka milyon ihatag sa probinsya sa makatunol og impormasyon batok sa nidagit sa mag-tiayong negosyante

Pagadian City – Usa ka milyon ihatag sa probinsya sa makatunol og impormasyon batok sa nidagit sa mag-tiayong negosyante
Mohatag og usaka milyon nga reward ang kagamhanang probinsyal sa Zamboanga del Sur sa bisan kinsa nga makahatag og detalye ug impormasyon may kalabutan sa mga nidagit sa British national ug asawa niini nga Pinay sa Brgy. Alindahaw, Tukuran, niining probinsya.
Pabiling nakaalerto usab ang kapulisan, kasundaluhan ug lakip ng nitabang ang pwersa sa MILF aron matumbok ang gidad-an sa missing pang mga biktimang sila Allan Hyrons ug asawa niining si Wilma Hyrons.
Sa impormasyon nga gipagawas sa kagamhanang probinsyal ilang himoon ang tanang paagi aron maluwas ug ma-rescue ang magti-ayon nga negosyante. Nasayran nga halos 15 katuig nang nagpundo sa lungsod sa Tukuran ang magti-ayon nga nanag-iya sa kolehiyong tulunghaan, Beach Resort ug pipila ka ektarya nga basakan.
Sigon usab ni Tukuran Mayor Macario Tingson, nga una na niyang gipahimangnuan ang magti-ayon nga magpabiling magma-igmat.
Giimbestigahan na usab sa otoridad ang posibleng motibo sa panghitabo ug ang pag-atake sa kidnap-for-ransom scheme.

Facebook Comments