Usa ka panday gidunggab sa iyang kainom

South Cotabato—Samdan ang usa ka lalaki human kini nadunggaban sa iyang kainum sa Barangay Gym sa Barangay Bacdulong, Lake Sebu, South Cotabato alas 10:30 sa gabie niadtong nahilabayng adlaw.

Giila ang biktima nga si Jubilado Elisan Tintero alyas “Lacay”, 33 anyos, residente sa Purok Maligaya, Barangay Magsaysay, Koronadal City.

Matud pa sa imbestigasyon, nakig-inom ang biktima kauban ang katrabaho nga si Jaime Galon Angeles, Jr., 59 anyos, minyo ug lumulupyo sa Barangay Lamian, Surallah.


Naglalis matud pa ang mga nasampit human wala nagkasinabot sa ilang gihisgutan samtang nag-inum nga miresulta sa pagpanunggab.

Nakaangkon ug dinunggaban ang biktima sa iyang tiyan.

Malampuson usab nga nadakpan ang suspek ug sa pagkakaron ana na kini sa kustodiya sa Lake Sebu Municipal Police Station. (Synymer Carisma Obena)

Facebook Comments