Usa ka sundalo patay sa engkwentro batok sa mga sakop sa Dawlah Islamiya sa Lanao del Sur

Patay ang usa ka sundalo sa 55th Infantry Battalion, Philippine Army human ma-engkwentro ang grupo sa mga armado nga gitouhang mga sakop sa Dawlah Islamiya, sa Barangay Tamparong, lungsod sa Madalum, Lanao del Sur. 

Matud pa ni LtCol. Franco Raphael Alano, commander sa 55th Battalion, nagpahigayon og combat operations ang tropa dihang nahitabo ang engkuwentro nga mao usab ang hinungdan sa pagka-diskubre sa gitagoan sa mga armado.

Ang combat operation alayon sa sunod-sunod nga nahitabong engkuwentro sa nakalabay’ng semana didto sa bukirang bahin sa mga boundary sa Madalum ug sa Bacolod-Kalawi.


Nabuthan og improvised explosive device (IED) ang maong sundalo nga maoy hinungdan sa iyang pagkamatay.

Namahayag si Col. Jose Maria Cuerpo, commander sa 103rd Infantry Brigade, nga magpadayon ang militar sa paggukod sa mga armado sa Lanao del Sur hangtud nga mahurot na sila. (Divina M. Suson, July 8)

Facebook Comments