Usa ka tawo ang nakita sa kapulisan sa CCTV ang milabay og granada sa balay nilang Rodriguez!

Usa ka tawo ang nakita sa CCTV sa kapolisan nga maoy milabay og Granada sa panimalay ni Deputy Speaker Rufus Rodriguez.

Apan matud ni Cagayan de Oro City Police Office kon COCPO City Director Police Col. Aaron Mandia, nga maglisod sila sa pag-ila sa  suspek tungod kay naka-hood kini og dili maklaro ang hitsura.

Dugang pa ni Col. Mandia, nga sukwahi usab ang ilang nakita sa CCTV sa unang pahayag sa gwardiya nga nagsakay og motor ang suspek, tungod kay base sa ilang nakita, nagbaklay ang suspek ug midagan human nga gilabay ang Granada.


Sa laing bahin, nagtanyag si Congressman Rolando Uy og dugang 300 thousand pesos alang sa makatudlo ug makadakop sa milabay og granada sa panimalay nilang House Deputy Speaker Rufus Rodriguez.

Kahinumduman nga mitanyag usab si Rodriguez sa 300 thousand nga ganti alang sa makatudlo ug makadakop kung kinsa ang naglabay og granada sa ilang panimalay.  Suma total naay 600 thousand pesos karon ang nagpaabot alang sa makatudlo sa responsable sa maong pagpanglabay og granada.

Facebook Comments