Nagpahigayon og ritual planting ang Pamalihi Tribal Council sa Sitio Eva, Brgy. Samay, Balingasag, Misamis Oriental human nga makadawat sa Pinakbet value pack seeds ug upland rice gikan sa Provincial Agriculture Office.
Nanguna sa pagpananom ang 58th Infantry Battalion isip tulay nga maangkon sa mga lumad ug residente sa kabukiran ang ayudang liso duna silay matanom lakip na ang daghang gulay sa pagsiguro nga dunay makaon ang katawhan sa lalawigan.
Matud ni Corporal Sylvester Jason Bag-ao, Civil Military Officer sa 58IB, ang nasangpit nga kalihukan pinasubay sa Plant, Plant, Plant program ni Gov. Bambi Emano aron makab-ot ang tiunay nga food-sufficiency sa Misamis Oriental.
Sa ritual planting, gipangayo sa tanan nga unta magmabungahon ang pagpananom sa pagkaon ilabina ning panahon sa krisis tungod sa COVID-19.
