Usa ka tuig nga bata nasunog-patay sa Tagum

Davao City – Nasunog-patay ang usa ka tuig nga bata sa nahitabong sunog sa usa ka balay sa Purok 9, San Miguel, Tagum City bandang alas 3 kaganinang hapon.

Sa post sa facebook sa Brgy. Kagawad sa San Miguel nga si Limbago Canizares Stephen Jefferson, makita ang pagkaugdaw sa usa ka balay diin asa na-trap ang bata.

Matud pa nga milakaw ang amahan sa bata aron mupalit og gatas diin kauban sa usa ka tuig nga bata ang iyang tulo ka mga magsuon sulod sa ilang balay nga daling naluwas sa mga silingan.


Gawas sa bata nga namatay, usa usab ka bulan nga igsuon niini ang nalapnos ang lawas.

Padayon pa ang ginahimong imbestigasyon sa otoridad sa nahitabong sunog.

RadyoMaN Renz Barbarona

Facebook Comments