Usa nga doctor ginpamumusil, patay ha Calbayog City, Samar

2917

TACLOBAN CITY – Ginpamumusil patay an usa nga female doctor ha P-2 Brgy. Rawis Calbayog City, Samar kanina han alas 4:45 han kulop, April 15.

Subay ha inisyal nga report, ginkilala an biktima nga hi Vicky Pido Rumohr, 72 anyos, usa nga dentista ngan residente ha nasabi nga lugar.


Ha inisyal nga imbistigasyon, ginbabaybay han biktima sakay han iya pick-up nga sarakyan an Magsaysay Blvd pauli ha iya panimalay pero pag-abot dapit ha STI colleges, ginpamumusil han diri pa makilal-an nga suspect/s an biktima ngan naigo ini ha nawong.

Samtang, ginpatay gihap han diri pa makilal-an nga suspect/s an bugto hini nga hi Rumohr-Johnson dida han nakalabay nga tuig.

Nagpapadayon an imbistigasyon han mga otoridad hini nga natabo nga krimen.

(Photo courtesy to PRTV Tacloban)

Facebook Comments

From Advertisers