Davao City – Nagpabilin pa sa ba’y tambalan ang lima ka sakay sa trak nga nahulog sa pangpang sa lungsod sa Malaglag, Davao Del Sur gahapong adlawa.
Nakahiagom og mga pangos sa kalawasan ang mga biktima nga sila Dennis Espinosa, Roy Bayron, Dominic Lumantang ug Modesto Pojas nga pulos sakay sa trak.
Pikas bahin, wala na madala pa sa ospital si Ramil Dongon kinsa backrider sa motor nga gidrayban ni Kerrobin delos Santos nga anaa na karon nagpaayo sa ospital.
Sa imbestigasyon sa Malalag Municipal Police Station Traffic Section nga pareho naglawig sa samang dalan sa Purok 3, Barangay Caputian ang trak ug motor.
Pag-abot sa lugar, gilikayan sa motor ang guba nga dalan apan milahos og bangga sa trak nga misuway sab og likay apan midiritso kini og kahog sa pangpang sa dapit.
Nagpadayon pa ang kapulisan sa paglusad og dugang imbistigasyon aron ma-establisar kung kinsa ang pasakaan og kasong reckless imprudence resulting to homicide ug multiple physical injuries.
RadyoMaN Joel Viray
