Usa patay, usa angol sa Ecoland stabbing

28

Davao City – Patay ang usa ka construction worker samtang kritikal ang kahimtang sa usa ka minor de edad nga esudyante human kini gidunggab sa ilang kainum diha sa may Kabacan, Ecoland, adlaw’ng Domingo sa kadlawon.

Mga biktima naila nga sila si Niño Causing, 22-anyos, ug si alyas Joga, 17-anyos, residente sa Ayuban St., Ecoland, Brgy. 76-A Bucana, samtang ang mga suspek naila nga sila si John Mark Duran Olavidez, 26-anyos ug si alyas Jeffrey.

Base sa report nga nag-uban pa sa pag-inum ang mga naasoy sa nasangpit nga lugar diin kalit nga mihulbot sa hinagiban ang mga suspek ug gipandunggab ang maong mga biktima.

Naka angkon og daghang samad-dinunggaban si Causing hinungdan sab sa iyang hinanaling kamatayon samtang kritikal ang kahimtang ni alyas Joga.

Naglusad na og manhunt operation ang kapulisan alang sa posibleng pagkasikop sa mga suspetsado samtang ang patay’ng lawas sa biktima anaa na sa Angel Funeral Parlor sa dalang Torres.

RadyoMaN Paul Canono

Facebook Comments