Usa patay usa kritikal sa Mawab road crash

89

Davao de Oro – Usa patay usa kretikal human mibangga ang motorseklo sa kasugat nga Prime Mover Truck alas 10:40 sa buntag sa KM. 67, National Highway , Brgy. Tuboran, Mawab, Davao de Oro.

Subay sa report sa Mawab Traffic Section, naglawig ang Faw Tractor Head Truck nga dunay plate # CAK 1455 nga gimaniho ni Jimmy Estanda, 49 anyos, minyo, residente sa San Martin, Malaybalay City, Bukidnon, gipanag-iyahan sa Apex Mining Company.

Ang truck gikan sa syudad sa Davao padulong sa lungsod sa Mawab, parehong naglawig sa Yamaha Motorcycle nga gimaniho ni Elizalde Naagas Jr., 30 anyos, minyo, residenti sa San Antonio, Brgy. Leon Garcia, Agdao, Davao City, samtang backrider giila nga si Edmar Secretaria, 31 anyos, minyo, residente sa Luzville Compound, Panacan, Davao City.

Kalit nawad-an sa kontrol ang driver sa motorseklo sa kurbada nga bahin sa karsada, hinungdang mibangga sa gikasugat nga sakyanan nga miresulta sa kamatayon ni Secretaria, samtang si Naagas gihatod sa tambalanan og anaa sa malisod nga kahimtang. Ang driver sa truck nga si Estanda gikustodiya karon sa kapolisan sa Mawab.

RadyoMaN Jules Catisay

Facebook Comments