Usa patay, usa nakasibat sa operasyon sa kapulisan sa Polomolok

Accident or crime scene cordon tape, police line do not cross. It is nighttime, emergency lights of police cars flashing blue, red and white in the background

General Santos City–Usa ang patay samtang usa ang nakasibat sa gihimong buy-bust operation sa Polomolok Municipal Police Station alas 5:00 pasado ang takna sa hapon sa Purok San Miguel, Barangay Klinan 6, Polomolok, South Cotabato.

Giila ni Police Capt. Rommel Hitalia, Deputy Station Commander sa Polomolok PNP, ang mga target nga silang Alfonso Dela Cruz ug Norberto Feliselda. Nakamatikod matud pa si Dela Cruz nga pulis ang ilahang ka-transaksyon diin mibunlot kini ug kalibre 38 nga armas ug unang gipabuthan ang operatiba rason kini nabalusan.

Gidala pa sa balay tambalanan ang suspek apan gideklarang dead on arrival. Dugang pamahayag ni Capt. Hitalia nga dugay ng gipanid-an si Dela Cruz ug aduna kini standing warrant of arrest gumikan sa kasong may kalabutan sa illegal nga droga.


Narekober sa posisyon ni Dela Cruz ang kalibre 38 nga armas ug usa ka sachet sa gituohang shabu. Gikatakda man usab nga pasakaan ug kaso pinaagi sa regular filing si Norberto Feliselda kansa nakasibat atol sa operasyon.(LVR)

Facebook Comments