Usa sa mga frontliner sa Barangay South, patay gumikan sa komplikasyon sa Covid-19!

25

General Santos City–Gi-angkon ni Barangay South Kapitan Rock Garay nga usa sa iyahang mga frontliner batok Covid-19 ang namatay gumikan sa komplikasyon sa maong sakit. Subay sa pahayag ni Kapitan Garay atol sa interview kaniya sa RMN Gensan News Team, migawas ang positibong resulta niini sa covid-19 ug nadala sa hospital gumikan sa mga simtomas, apan wala na matud pa nakarekober.

Sulod matud pa sa pipila ka semana, wala na nakaya sa baga niini ang kumplikasyon sa virus resulta sa iyahang kamatayon. Tungod sa nahitabo sa usa sa ilang frontliner, namahayag si Kapitan Garay nga kinahanglang seryusuhon ang bahad sa covid-19 ug dili magkumpyansa sa makamatay nga sakit.


Panghinaot niya nga tanang katawhan ang mutuman gyud sa minimum health protocol sama sa pagsul-ob ug facemask, faceshield ug ang physical distancing gumikan kay nagpadayon karon ang pagsaka sa ihap sa mga nataptan sa maong balatian ug nagkataas usab ang Covid-related Death sa dakbayan sa Gensan. (LVR)

Facebook Comments