Usa sa mga lungsod sa Zamboanga del Sur gipailalom sa usa ka adlaw nga lockdown kagahapong adlawa

30

Aurora, Zamboanga del Sur – Daw “ghost town” ang tibook lungsod Aurora kagahapong adlawa gumikan sa kamingaw sa maong lungsod human gipailalom sa usa ka adlaw nga lockdown.
Ang lockdown pinasikad sa gipagawas nga Executive Order No. 16-20 nga penermahan ni Aurora Mayor Boen Dorotheo Cabahug alang sa gipahigayong disinfection sa nasangpit nga lungsod.
Atol sa disinfection, temporaryong gisirado ang tanang establisimento lakip ang mga galingan sa humay ug mais, mga buhatan ma-pribado man o iya sa gobyerno, ug mga parmasya.
Apan gitugutan nga magpadayon sa buluhaton ang mga health facilities sama sa ospital ug lying in centers.
Atol gihapon sa gipahigayong disinfection, walay laing lumulupyo nga gitugutan nga makagawas sa ilang balay gawas lamang sa mga frontliners, Media, Covid-19 Task Force Member(Municipal ug Barangay Level), ug kon adunay Health Emergency Case.
Wala usab tuguti ang mga pampubliko ug pribadong transportasyon nga maka operate gawas lamang sa mga frontliners nga nagbyahe paingon sa silingan nga mga lungsod ug bugtong cargo trucks nga nagkarga ug mga pagkaon ang nakabyahe sa dalang nasyonal atol sa lockdown kagahapong adlawa.
(Photo credit to Aurora MPS)

Facebook Comments