UTOD NI THE LATE REMIA PREVENDIDO GREGORI, DAKOP SA BUYBUST OPERATION SA BAKHAW, MANDURRIAO

2474

Arestado sa buybust operation nga ginpatigayon sang City Drug Enforcement Unit ( CDEU) si anay Barangay Kagawad Norberto Prevendidio, utod ni the late Remia Prevendido Gregori sang Bakhaw, Mandurriao.

Nabaklan si Prevendido sang isa ka sachet sang shabu sa balor nga 4 mil pesos kag nakuhaan sang dugang nga isa ka dako nga bulto sang shabu nga may street value nga 80 mil pesos.

Ginpanginwala ni Prevendido nga nagabaligya siya sang shabu kag suno sa iya, gulpi lang nga ginsulod sang mga operatiba ang iya balay kag narecover ang nasambit nga mga items.

Suno naman sa team leader sang CDEU nga si SPO2 Alfred Tilano, may nabaton sila nga impormasyon nga yara naman sa Barangay Bakhaw si Prevendido rason nga nagpatigayon sila sang buy bust operation.

Ginakabig nga High Value Target level 2 si Norberto Prevendido.
#TatakRMN

Facebook Comments