VACC mopasaka og kaso kang Trillanes

14

Davao City – Gikompirmar karon sa Volunteers Against Crime and Corruption (VACCC) nga ilang pasakaan og kaso si Senador Antonio Trillanes tungod sa iyang mga giingong inflammatory remarks batok kang Presidente Rodrigo Duterte.

Sumala ni VACC chairman Dante Jimenez, tungod kay ang ginahimo karon ni Trillanes ilabina sa mga sundalo iyang ginapagawas nga dautan ang pangulo aron masuko kang Presidente Duterte.

Dako ang pagtoo ni Jimenez nga makasohan gayud si Trillanes og inciting to rebellion tungod sa iyang ginahimong pagdikta sa mga sundalo nga pusilon ang presidente. Gawas niini iyang ginadaut ang ginahimo sa presidente nga mga kaayohan ug kausaban sa nasud.

Hinoon giklaro usab sa chairman sa VACC nga si bisan kinsa adunay katungod nga mosaway sa himoon sa pangulo ilabina kung dili maayo sa kadaghanan, apan kining ginahimo ni Trillanes dili na insakto tungod kay iyang ginasulsolan ang mga sundalo aron masuko sa pangulo.

RayoMaN Bernard Pantallon

Facebook Comments