Vaccine passport dili pa ‘required’ sa Davao

55

Davao City – Giklaro ni Davao City Mayor Sara Duterte-Carpio nga wala gi-require o gipangayo dinhi sa syudad sa Davao, ang vaccine passport nga magpamatuod nga bakunado na batok Coronavirus Disease 2019 (COVID-19) ang usa ka indibidwal.

Matud sa alkalde (sa interbyu sa city-owned radio), adunay international standard nga ginagamit sa World Health Organization (WHO) ug Bureau of Quarantine kabahin sa vaccine passport.


Tataw sa alkalde, wala pa kini gipatuman sa dakbayan apan kung buot mahibaw-an sa lokal nga gobyerno kung bakunado o dili pa bakunado ang usa ka tawo, mamahimo kining masayran pinaagi sa DQR (SafeDavao QR).

“In the event nga manginahanglan ‘ta diri sa atoang syudad og way nga mahibalo ‘ta kung vaccinated na or dili ang tao, that is the only time nga gamiton nato ang atoang DQR for that. Sa pagkakaron, we do not require nga mugamit og vaccine passport ang mga tao diri sa atoa sa Davao City, but yes and technology sa DQR can do that,” sulti niini.

Sa pagkakaron, ginagamit ang DQR sa syudad sa pagsulod sa mga establisemento aron mahibal-an kung adunay nakauban ang usa ka tawo nga nagpositibo sa COVID-19.

RadyoMaN Kirby Manzon



Facebook Comments