Ang kapulisan sa Liloy dali nga mi responsde didto sa Bitoon beach, Brgy. Lamao, sa maong lungsod. Human nakadawat ug taho nga matod pa usa ka lalaki nga adunay armas nga gi suksok sa kilid niini.
Paghidangat sa kapulisan sa maong dapit, dali -dali nga gisulod sa suspek ang armas niini sa U-box.
Dali usab kini nga gi kompronta ang suspek sa mga kapulisan, ug ge mandoan kini nga ablihan ang U-box.
Naila ang suspek nga si John Lloyd Baylon Vallecer, hingkod ang pangidaron, ulitawo, kanhi OFW, molupyo sa brgy. Baybay, Liloy, naaresto kini sa pulis human nakuha sa iyang posisyon ang usa ka unit nga black widow magnum caliber .22 revolver, tulo ka buhing bala sa kalibre 22.
Lakip usab nga nakuha ang motorsiklo nga XRM 125, kolor blue adunay kombinasyon nga itom ug puti.
Ang dinakpan gi dala gilayon sa buhatan sa kapulisan didto sa Liloy MPS alang sa tukmang disposasyon.
