Davao City – Usa ka lig-on nga tradisyon sa mga pinoy ang paghandum sa tanang santos ug sa tanang mga nangamatay atol sa All Saints’ ug All Souls’ Day.
Sa ekslusibong pakighinabi sa DXDC RMN Davao kang Catholic Bishops Conference of the Philippines President ug Davao Archbishop Romulo Valles gisugilon niini nga nindot ang maong tradisyon sa paghinumdom sa mga minahal sa kinabuhi nga mipanaw na.
“Hinaut pa nga ipadayon gyud ni nga tradisyon tungod ang kasing-kasing sa tao bisan og mahanap na, tinuod naa na nato ang paghandum sa nag una kanato, kanila nga nagmahal, nagpatubo, nag-edukar, nag-sacrifice kanato busa kundi tubagon kanang paghandum sa pagpasalamat I think ang atong pagtubo o pagpuyo kulang apan sa Pilipinas nindot o strong kaayo ni nga tradisyon,” segun sa Arsobispo.
Gibatbat usab ni Archbishop nga ang Nobyembre 1 ug 2 subay sa tradisyon sa pinoy mao ang pagkitaay ug pagtapok sa mga pamilya sa paghinumdom sa mga buhat sa ilang mga minahal sa kinabuhi samtang naa pa sa kalibutan.
Gawas niini, gihatagan usab niya og pagtagad ang paghatag bili sa mga tawong anaa pa sa atong kiliran nga samtang buhi pa ipakita ang pagmahal sa matag usa ug di na hulaton ang panahon nga diha na magmahay og mangawala na sa kalibutan.
“Nindot usab sa tradisyon sa Pilipino, manganhi ta sa sementeryo uban sa pagtuo nga ang tanang nangamatay atong gihalad sa Ginoo. Di lang kita naghandum kanila apan sure kita nga ang Diyos naghandum ug nagtan-aw kanila.
RadyoMaN Renz Barbarona
