Davao City- Nadisgrasya ang usa ka sakyanan human mibangga sa usa ka kora ug milapos sa island sa dalan sa kanto Suazo ug kanto Quezon partikularminte sa Brgy. 22-C Blvd. ning syudad sa Davao.
Matud pa nibuto kuno ang atubangan nga ligid sa usa ka Izusu Wizard nga dunay plate number MCX 970 kolor puti nga van hinungdan nga nakabig niini ang manobela nga mibangga sa koral sa maong island ug milapos sa pikas dalan.
Sumala pa sa driver niini nga nagpaila nga si Marlon Adahas, hamtong ang pangidaron, gikan ilang sakyanan sa may dalang San Pedro ug pauli na unta sa Agdao area sa dihang nakaligis kuno sila og dakong bato hinungdan sa pagbuto sa ligid.
Apan sa pagsubay sa kapulisan, wala sila kakita og dakong bato diin asa nahitabo ang aksidente hinuon wala nasamdan sa maong disgrasya.
Matud pa sa nakakita sa maong panghitabo, kusog kuno ang dagan sa maong sakyanan ug gani hapit pa maligsi ang sakop sa CENRO nga nanilhig lang sa maong dalan.
Sa karon, naghimo na og follow up investigation ang kapulisan sa maong panghitabo ug gikustodiya na sa Sta. Ana PNP ang driver sa maong van.
RadyoMaN Paul Canono
