EASTERN SAMAR – Patay an 61 anyos nga babaye nga ginkilala nga hi Epifania Loyola, residente han Brgy. 13 Poblacion han Salcedo, Eastern Samar mahuman mabunggo han usa nga van an sinasakyan hini ha Brgy. 04, Mercedes Eastern Samar kakulop.
Basi han report han Mercedes PNP, an duha nga sarakyan in pareho tipakadto ha Guiuan, Eastern Samar han mabunggo an sinasakyan nga motor han biktima.
Basi han inisyal nga imbistigasyon han mga otoridad, nag overtake an Vanvans nga gindadrayban ni Bryan Calupas, 33 anyos residente han Brgy. Binulso Javier, Leyte.
Naidara pa ha Felipe Abrigo Memorial Hospital ha Guiuan an biktima pero gindeklara ini nga dead on Arrival. Gasgas naman ha magka iba-iba nga parte han lawas an naangkon han drayber han motor.
Samtang, boluntaryo naman nga sumurender an suspek. Yana in kapot na hiya han Mercedes PNP.
Nagpapadayon naman an gindudumara nga imbestigasyon an mga kapulisan parte han nahinabo nga insidente.
