Van nakabunggo sa trak, helper kag pasahero patay, 10 pilason

367

BAGO CITY, NEGROS OCCIDENTAL – Duha ang patay 10 ang nasamaran sa natabo nga vehicular accident kon diin aksidente nga nabungguan sang isa ka van ang isa ka naka-park nga truck sa Purok Papaya, Brgy. Calumanggan, Bago City may mga las 5:10 sini gid lamang nga kaagahon.

Dead on arrival ang helper sang amo nga truck kag ang isa ka pasahero sang van nga nagapabilin naman nga Mr. X.

Suno sa imbestigador sang Bago City Police Station nga si SPO4 Wilson Aguilar, ang amo nga truck ang may karga nga scrap materials kon diin naga-park ini sa kilid sang dalan, nagaatubang pa norte, bangud nga na-aberiya.

Nahibaluan nga ang biktima nga helper sang truck ang nagakaayo sang goma nga na-flat kon diin buot na niya ini kuntani nga hukason sang aksidente siya nga nadalasa sang nagahagunos nga van nga nagadalagan sa direksyon nga halin sa sur pakadto sa Norte.

Ang Foton Van naman isa ka V-hire, gina maneho ni Benjie Gamarsa, 47 anyos sang Bulata, Cauayan kag may biyahe Sipalay-Bacolod.

Bangud sang impact sang pagkabunggo, nawasak kag halos nahukas ang cover sang tuo nga kilid sang van nga naigo sa wala nga bumper sang truck./dyHB BACOLOD

Facebook Comments