Disgrasya ang gidangatan sa duha ka sakyanan atubangan sa Sementeryo National Highway sa Awas Brgy. Sulit Polomolok South Cotabato. Nobyembre 27 ,2017 alas 9:30 kagabie.
Matod pa ni PO2 Zamora , usa ka traffic investigator sa Maong Lugar, ang maong disgrasya gikalambigitan sa usa ka Toyota Fortuner nga gimanihuan ni Anecita Lambu-an, 35 anyos, lumolupyo sa DoƱa Solidad lungsod sa Heneral Santos ug usa ka Mitsubishi Canter Van nga gimanihuan usab ni Ardin Bustamante Ferrera, 40 anyos, lumolopyo sa Lungsod sa Kidapawan, North Cotabato.
Sumala pa sa imbestigasyon sa Traffic Management Unit sa Polomolok nasayran nga mobacking unta ang Van dihang kalit lang nabanggan sa fortuner nga overtake sa gisudnan niining sakyanan.
Maayo nalang nga dili ingon kakusog ang pagbangga maong walay samdan sa duha ka mga driver apan nakaangkon ug guba ang duha ka mga sakyanan.
Gilayon man nga gipangdala ang duha ka mga drivers sa traffic management unit sa Polomolok apil na ang ilang mga sakyanan, didto naghusay ang mga nahisgutan bahin sa insidenti. Nahagbong lang usab sa areglo ang insidenti human nagsabot ang mga nahisgutan atubangan sa mga pulis.
