Vehicular Accident: Truck nahagbong sa mubo nga bangin, drayber samdan!

72

Malungon, Sarangani Province – Mibalintong ang usa ka trailer truck paingon sa daplin dalan human nag-overshoot sa mubo nga bangin sa may National Highway sakop sa Sitio Buayan, Barangay Malandag munisipyo sa Malungon probinsya sa Sarangani bandang alas-8:25 sa buntag adlawng Huwebes (October 22,2020).

Sa impormasyon gikan sa Malungon Disaster Risk Reduction and Management Office Rescue Team, giila ang drayber sa trailer truck na si Jonathan Espiritu Porol, 35 anyos, nagpuyo sa Panabo, Davao City.


Nasayran nga paingon og General Santos City ang truck dihang kini na-overshoot sa mabaw nga bangin og niresulta sa pagkaligid sa truck samtang naipit sa sulod ang driver.

Malampuson usab nga na-extricate ang na-trap nga driver dayon gitagaan og first aid sa mga personahe sa Municipal Health Office nga anaa sa area nahitaboan sa aksidente.

Gidala gilayon ngadto sa Malungon Municipal Hospital ang nahisgutang biktima og gipailawom sa medical intervention.

Mihimo na sab karon og imbestigasyon ang Traffic Section sa Malungon PNP kabahin sa aksidente.




Samtang, napahibalo na ang pamilya sa drayber na si Porol mahitungod sa iyahang nadangatan.

Photo Credit: Malungon DRRMO

For more info’s and updates, like and share our official facebook account: www.facebook.com/ifm91.9Gensanofficial/

#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 122136122_3427205527338232_1535225837266948292_n.jpg]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments