VG Bong ginapagayuan status report ang Provincial Engineer’s Office angot sa natabo nga pag-collapse sang portion sang Mambukal Convention Hotel

NEGROS OCCIDENTAL – ( Update ) Ginpangayuan na ni Negros Occidental Vice Governor Eugenio Jose ‘Bong’ Lacson sang official status report si Provincial Engineer Ernie Mapa may kaangtanan sa natabo nga pag-collapse sang kitchen nga portion sang masobra P84M nga Mambukal Convention Hotel sang nagligad nga adlaw.

Suno kay Lacson nga dapat maghatag sang iya official report si Mapa kon bala ano ang matuod nga natabo sa aksidente kag indi nga kon ano lang ang iya ginsabat sa media agud mapasiguro sa publiko nga safe ang building kag isa gid lamang ka isolated case ang natabo.

Pahayag ni Lacson nga luyag niya nga mangin bukas sa publiko ang kaangay nga mga insidente kag wala sang may ginatago.


Indi man siya luyag suno sa iya nga magpasibangud sa kay kon sin-o lang gani dapat masuguran gilayon ang paghibalo sang kamatuuran bangud isa ini ka proyekto nga gin-aprobahan sang Sangguniang Panlalawigan.

Plano man sang bise gobernador nga magpatawag sang 3rd party para maghimo sang assessment sa damage kag structural integrity nga gintuga sang pag-collapse sang amo nga bahin sang Mambukal Convention Hotel.

Ginpahayag pa ni Lacson nga apesar nga wala pa ini official nga na turn-over sa probinsya, may nakatigana na nga budget para sa furnitures and fixture sini./dyHB BACOLOD

Facebook Comments