Napugos si Misamis Oriental Vice Governor Jose Mari Pelaez sa pag-recognized ni Former City Councilor President Elipe isip bag-ong miyembro sa Sangguniang Panlalawigan.
Kini taliwala nga walay pay original copy ang Sangguni-ang Panlalawigan sa Appointment ni Elipe gikan ni Presidente Rodrigo Duterte.
Matud ni Pelaez nga walay iyang mahimo gawas sa iyang pag-recognized ni Elipe tungod kay nagkahiusa ang Majority member sa Sangguni-ang Panlalawigan nga ilang i-rekognisar si Elipe bisan wala pay ilang nadawat nga original copy sa iyang appointment gikan sa Presidente ug guidelines gikan sa Department of Interior and local Government kon DILG.
Gibutyag ni Pelaez nga iya untang gusto nga hulaton ang guideline sa DILG ug original copy sa appointment ni Duterte kay ingon usab niini ang iyang gihimo sa paglingkod ni kanhi Board member Susan Lagbas nga mipuli sa katungdanan sa iyang namatay nga bana nga si Roldan Lagbas.
Apan matud ni Elipe nga wala na kinahanglana ang guideline sa DILG sa iyang paglingkod isip member sa Sangguniang Panlalawigan kay nahuman na ang iyang pag-take oath isip tinudlo nga miyembro sa Provincial Board sa Misamis Oriental.
