Vice Mayor Famillaran nagklaro nga nagabulig financial ang syudad sa BCPO

20

GINKLARO ni Vice Mayor Elcid Famillaran nga ang syudad sang Bacolod ang naga suporta sa mga hilikuton sang Bacolod City Police Office (BCPO) ilabi na sa kampanya kuntra iligal nga druga.

Suno sa Bise Alkalde, nagahatag sang kapin 470 ka libo ka pesos (P470,000) kada bulan ang syudad sang Bacolod bilang financial aid ukon financial support sa BCPO.


Iya man ginsiling nga kun may yara sang kakulangan sa logistics para sa operation kuntra iligal nga druga si deputy city director for operation Police Lt. Col. Jovie Espenido, mahimo ini nga magsulat sang request sa Mayor sang syudad para mahatagan sang solusyon ang problema.

Ini ang ginpahayag ni Famillaran sa interview sang RMN matapos nga gin anunsyar ni Police Lt. Col. Jovie Espenido sa ginpatigayon nga press conference sa katapo sang media nga ini ang naga hingyo sang suporta sa LGU angut sa problema sa logistics kaangay sang salakyan, gasolina, pagkaon sa kada operasyon kag reward money sa kampanya kuntra druga.

[image: image.png]

Facebook Comments