Vice Mayor Pulong paimbistigahan sa ubos balay balaoranan sa Kongreso

Labing maayo nga mopatim-aw sa imbistigasyon sa kongreso si Davao City Vice Mayor Paulo “Pulong” Duterte aron masayran ang partisipasyon niini sa smuggling ug “tara” system sa Bureau of Customs.

Gipahayag ni Magdalo PL Rep. Gary Alejano nga kung inosente ang batang Duterte, kini sab ang maayong higayon nga malimpyuhan niini ang iyang pangalan gikan sa maong kontrobersiya.

Giduso ni Alejano ngadto sa iyang mga kauban sa ubos balay balaoranan sa kongreso ang pag-imbistigar sa Bise Alkalde kay sa iyang tan-aw, alanganin na ang Senado nga mopatawag pa kang Pulong.


Gisulti sa magbabalaud nga sa camarabaha unang migula ang pangalan ni Vice Mayor Duterte human nga gitudlo kini sa operasyon sa Davao Group sa Customs.

Facebook Comments