Vice Mayor Vera Cruz mikumpirmang aduna nay negosyante nga mobubo ug 1.8 billion dollars nga puhonan alang National Steel Corporation!

ILIGAN CITY- Gikunpirma ni Vice Mayor Jemar Vera Cruz nga aduna nay investor nga mobubo ug puhonan alang sa National Steel Corporation kun NSC.
 
Kini mao’y pamahayag sa bise mayor atol sa flag raising ceremony sa mga kawani sa city hall kagahapong adlawa.
 
Matud ni Vera Cruz, padayon ang gihimong negosasyon karon sa syudad tali ngadto sa maong negosyante kinsa mohimo ug proyekto sa NSC nga mokabat sa 1.8 billion dollars.
 
Mapasalamaton si Vera Cruz sa maong kalambo-an tungod dakung paglambo man unya sa ekonomiya sa dakbayan sa iligan ang pagbobo ug puhonan sa nasangpit nga negosyante.
 
Mobalik na unya ug kabibo ang dakbayan gumikan halos tanan naman unya aduna nay masudlan nga trabaho.

Facebook Comments