Mahimo nga matapos na ang kalipay sang naga-enjoy sang late night karaoke samtang masolbar naman ang ugtas sang mga nagakatublag sang magahod nga kantahanay. Ini kon makapasar ang hagna nga ginahamabalan karon sa kamara nga nagatuyo nga limitahan ang paggamit sang karaoke machines kag iban pa nga matunog nga sound equipment nga nagatuga sang disturbo sa mga residential areas. Base sa House Bill No 1035 ni Quezon Representative Helen Tan, tuyo sini nga limitahan sang halin alas 8 sa aga tubtob alas 10 sang gab-i ang sing along. Siling ni Tan kinaandan na sang mga pinoy nga gamiton ang kalye para sa ila mga parties kag indi ma dula ang karoke singing. Ini nakadisturbo sa iban nga naka-apekto sang ila katulugon, productivity sa trabaho kag makapataas sa hypertension sang nagasuprer sini. /// Photo from web Tags: Visayas, DYRI774, RMN Iloilo, Iloilo City
