Sa interbyu sa DXDC RMN Davao kang Police Major Noel Villahermosa, kini maoy pagpatin-aw nila sa kapulisan nga walay dautang nahitabo sa gi-report sa iyahang pamilya nga na-missing.
Segun ni Villahermosa, niadto si Cadungog ngadto sa iyahang higala sa Bantacan, New Bataan, Davao de Oro niadtong Martes, Mayo 30,2023 ug nakabalik na kini niadtong adlawng Biyernes, Hunyo 02, 2023 sa ilahang pinuy-anan.
Kahinumduman sa interbyu sa DXDC sa asawa nga si Elsa Cadungog niadtong Hunyo 1 adlawng Huwebes, nabalaka sila sa ilahang seguridad tungod sila ang unang nitabang sa gi-abduct nga si Dennis Panzan human kini kalit nga niabot sa ilang balay nga nakaposas ug giputos sa packaging tape ang dagway niini.
Gipasalig ni Villahermosa ang seguridad sa pamilya ug adunay mga personahe nga nagbantay usab sa maong lugar alang sa safety sa mga pamilya sa nakatabang kang Panzan.
RadyoMaN Aimee Guinita
