SAN ISIDRO, LEYTE – May bumuto nga bomba ha Sitio Betaog, Brgy. Crossing, San Isidro, Leyte dida han dominggo.
Nabuthan an unom katawo hini nga insidente, ginkilala hira nga hi Bonifacio Cortez, 48 anyos; Diosdado Talisic, 53 anyos; Alfredo Maga, 33 anyos; Francis Maga, 10 anyos, Joeram Cortes, 11 anyos ngan hi Gil Salazar, 56 anyos.
Ha nagawas nga inisyal nga imbistigasyon han mga kapulisan, usa nga vintage bomb an gingamit para magpakaladkad hin tubig ha iihawon nga baboy ha luyo han panimalay ni tatay rodolfo mentuerto, an iba naman nga biktima in nabulig han preparasyon.
Tigda nga bumuto an bomba.
An mga biktima in gindara dayon ha Ormoc District Hospital, naangkon han mga ini an samad ha ira mga kamot ngan nawong.
Samtang, usa naman nga unexploded vintage bomb an ginturn-over ha san isidro police station.
