Viva Nuestra Señora La Virgen del Pilar

22

Miles del maga devoto el ya segui na Grand Procession del La Virgen del Pilar na dia del Fiesta Pilar desde na Immaculate Cathedral Church para na Portalesa del Pilar enante.
Amediante del procession, derepente ya man aguasero donde todo del maga devoto masquin cosa edad el ya muja pero nohay este queda rason para gende sila compli el diila devicion.
Desde na iglecia, ya pasa el procession para na Governor Alvarez Street y ya bira para na lao esquierda y despues ya bira otravez na lao esquierda para na Jaldon Street derecho-derecho para na City Hall hasta para na Portalesa del Pilar.
Na maga devoto quien ya segui na procession, tiene del maga tata cargando diila maga bata-diutay y tiene tambien de edad el ya compli el diila devocion.
Tiene tambien buen resulta el mejoras de seguridad que ya implementa el pulis y militar.

Facebook Comments