VM Elcid: Pagmitlang ni Pres. Duterte sa pangalan ni Coun. Tan, ‘shocking revelation’

BACOLOD CITY – ‘Shocking revelation’. Ini ang reaksyon ni Vice-Mayor El Cid Familiaran sa pahayag ni President Rodrigo Duterte nagligad nga sabado sang gab-e sa diin ginpangalanan sang presidente si Councilor Ricardo ‘Cano’ Tan bilang protector sang ilegal nga droga sa syudad sang Bacolod.

Suno kay Familiaran nga wala niya gina-lauman ang nangin pahayag ni President Duterte sa diin iya nalang ginatugyan sa law enforcement agencies ang amo nga kaso.

Si Coun. Tan ang 1st termer kag No. 1 councilor sa Bacolod apang wala nagpapili sa 2019 elections apisar sang interes sa pagpili bilang alkalde.


Rason ni Tan sadto sa iya pagretiro sa pulitika amu ang pagtutok sa negosyo kag indi na magpasugot ang iya pamilya.

Si Tan ang tag-iya sang Campuestohan Resort nga sikat na karon sa bilog nga Pilipinas.

Samtang, nakibot man sang bise alkalde nga na-mention man sang presidente nga ‘involved’man sa illegal nga droga – ang mismo city director sang Bacolod nga si Senior Supt. Francisco Ebreo, Jr.

Facebook Comments