ILOILO CITY – Ginyamuhat ni Iloilo City Vice Mayor Joe Espinosa III kag Councilor Eduardo Peñaredondo ang breastfeeding session sa konseho sang Martes, Agosto 15.
Ginhimo sang duha nga kaladlawan ang pagpatuman sang breastfeeding station sa mga mall sa syudad.
Kapin 10 ka minutos ang gin-usik sang city council agud estoryahan ang pagpasuso nga may double meaning.
“Ang palasupsupan bala… ang supsop lain man na ya sa dede [laughs]” ang pahayag ni Councilor Ed Peñaredondo.
Ginpahayag naman ni Espinosa nga kalabanan sa mga amay indi luyag nga ipa-breastfeed ang ila mga kabataan bangod luyag lang nila ini nga solohon.
“Magdede ya, amo na gani ang iban nga tatay hindi magpasugot, siling ya akon na ya, ginahilabtan sang bata ko… magtaas-taas pa ko tani kon nakasuso ko mo,” ang kabahin sang pahayag ni Vice Mayor Espinosa.
