Wage increase usa sa kabilin ni VP-Elect Sara sa LGU Davao employees

34
Davao City – Garbo ni outgoing Davao City Mayor Sara Duterte-Carpio nga nagbaton og usbaw sa sweldo ang mga empleyado sa City Government of Davao panahon sa iyang termino.

Atol sa flag ceremony kagahapon sa buntag (June 20, 2022) uban ang mga department heads sa Local Government Unit (LGU) – Davao, gi-congratulate sa alkalde ang mga bag-ong napromotar nga mga empleyado.

Gibutyag ni Mayor Sara, dili man tanan empleyado mga plantilla kun regular sa trabaho, apan naningkamot ang LGU nga magbaton og wage increase alang niadtong mga job order ug contract of services nga empleyado.

“We increased the salaries of our contract of services and job order personnel beyond the minimum wage set by the Department of Labor and Employment (DOLE) ensuring that no personnel shall receive a salary of less than P10,000 per month,” sulti ni Duterte-Carpio

Sa Hunyo 30, 2022 hingpit na nga mulingkod si Duterte-Carpio isip bise presidente sa nasud, diin gipasalig usab niini nga mapadayon ang nasugdang proyekto sa syudad sama sa High Priority Bus System (HPBS).

RadyoMaN Kirby Manzon

Facebook Comments