Guba ang atop sang isa ka waiting shed sa barangay Bancal, Alimodian matapos ginpalukpan sini lamang nga gab-i (Pebrero 22) sang wala makilala nga mga suspek.
Natabu ang paglupok mga alas 8:15 sini nga gab-i sa nasambit nga lugar kag sa pagresponder sang kapulisan sang Alimodian PNP, nakit-an nga wasak ang atop sang waiting shed kag narecover sa lugar ang mga shrapnels.
Wala naman sang may naigo ukon nahalitan sa nasambit nga paglupok.
Padayon pa nga ginaimbestigahan sang Alimodian PNP ang insidente kag ginahibalo kon sin-o ang responsable sa likod sang paglupok.
Facebook Comments
